إفرحي يادولةْ الشَّعبْ السعَّيدْ
عادتْ أيَّامْ الفَرَحْ والانتصارْ
بوظبي ودبيْ همْ حبلْ الوَريدْ
وطايرْ الأفراحْ بالأفراحْ طارْ
وكِلْ يومٍ خيرها بلادي يزيدْ
والسَّعادهْ رفرفتْ في كلِّ دارْ
ماتضَعِّفنا الشِّدايدْ والوعيدْ
عندنا صبرْ وعزايمنا كبارْ
اقتصادْ بلادنا مثلْ الحديدْ
طَيَّرْ الأزمهْ وسوَّاها غبارْ
ونحنْ مبْ تجَّارْ نبغي نستفيدْ
نحنْ أهلْ المجدْ وشموسْ النَّهارْ
نبذلْ الغالي وعَ الشِّدِّهْ نزيدْ
لوُ يصيرْ اللِّي بعَدْ ما كانْ صارْ
وكلْ يومْ بلادنا في ثوبْ عيدْ
لابسهْ ف يومْ الفَرحْ تاجْ الفخارْ
في حمَىَ شيخٍ بهْ يطيبْ القِصيدْ
ريِّسْ الدولهْ لنا نورْ ومنارْ
هوُ خليفهْ صاحبْ الرَّايْ السِّديدْ
يفتدونهْ جنودْ شَعبهْ بالعَمارْ
جيشنا الباسلْ فلهْ باسٍ شديدْ
ومنْ يعادينا فيبْشِرْ بالخِسارْ
لهْ محمَّدْ ضامنْ النَّصر الأكيدْ
ونعمْ بهْ حامي إذا بتشبْ نارْ
عرسْ دولتنا بدايهْ من جديدْ
وعمَّتْ الأفراحْ في ليلْ ونهارْ
إفرحي يادولةْ الشَّعبْ السعيدْ
عادتْ أيامْ الفرَحْ والانتصارْ