مر بي وجهك مع انوار الصباح
بايتٍ ما نمت من خوفي عليك
كن بي طعنه بمسموم الرماح
يا ابونا وبحياتي افتديك
لين بشرني بتوفيق ونجاح
المبشر لى على نفسه يغليك
وعمَت الأفراح دولتنا ولاح
السرور بشعبك اللي يرتجيك
عدت يا زايد لنا امن وفلاح
ودامت الرايه ترفرف في يديك
انته اللي بالمكارم والصلاح
ربك اللي ع الهدى دوم يهديك
ثابت ما يحركك عصف الرياح
صادق والصدق شى دوم فيك
زال عني الهم والقلب استراح
يوم طبت وطاب قلب يهتويك
عشت يا زايد بأنس وانشراح
والكدر يعله ما يجينا ولا يجيك
عدت بالأفراح يا ساس النجاح
يا كريم المجد ما يبخل عليك
خالج الأرواح لك منه كفاح
مدركين الحال ون عينه عليك
يا زعيم في الزمن سعيه صلاح
نمتثل لك دايم ونسعى سعيك
غيبتك وحشه لنا وشوفك رباح
وابتهاج النفس ساعة نلتقيك
عشت يا رجل المواقف والفلاح
ليت بالأرواح نقدر نفتديك
تدعيلك الارض وفياض فساح
والشجر يطلب من الله يعطيك
صحت الأبدان والعمر المتاح
يا مغيث كم مغتاث ايعنيك
نقتدي بك م الصراحة والنصاح
والعرب بالراي دايم نقتديك
وقتنا وياك راحٍ وارتياح
كلنا ارواح بالجسم منك وفيك
بك عرفنا الوقت كله بانشراح
وكل مجد عالى ما يعتليك
انته إلنا القايد ورمز الكفاح
وكل خير عندنا راجع اليك