يا نواخذا لو دريت بحالة المشتاق
إن كان محملك ما شلّه من ابلاده
يا نواخذا ما يمدّ الغوص لى لاعواق
متمكنه في ضميره وضايع افواده
الغوص سكره وانا بي سكرة الأشواق
ما ياخذ الغوص منّي نقص وزياده
خلّه شراعك أنا قلبي ترى خفّاق
اتهون واهوال شوقي دوم وقّاده
في ظلمة القوع يوم انّه عليّه ضاق
صدري وسيبي اليدا من التعب كاده
ذكرت لى حسنها به تسفر الأعماق
اللى لجلها المخيف المخطر أرتاده
يا نوخذا لو من حسانك تحلّ أوثاق
بعدي وألفي على من سمّني ابعاده
لها فؤادي على طول النّيا يشتاق
والنّفس لأهل هواها دوم ودّاده