أرضف الونّه من الضّيج
أنوح وبيه جارح الشّوق
بيه هوى سيد الغرانيج
اللّى خذنيه يا عرب بوق
حالي صويب ومنّه امعيج
قلبي على لاماه مطفوق
أهيم في حبّه ولا افيج
واحيا ابذكره نابض الشّوق
جذّاب وعيونه مداعيج
سمر الهدب والخدّ مرموق
ياخشف يا ريم المدافيج
يقطف زهر من كلّ غرنوق
أهيف وخصرينه مخافيج
مخمّص والخصر مدقوق
ونّيت ودموعي مهاريج
من زود جريه جرّح الموق
هيّفت وغصوني مواريج
بستان بين الزّرع محروق
يا بن خليفه لاسع الويج
ما يشتكي لي ما لمس عوق