وعد

أنت لو تبغي على وعدك وفيت
بس ما توفي على ساعة وعد
كم لك مع هاجس اشواقي سريت
بين جفني والكرى حايل سهد
وانت لو تقسي عليّه ما قسيت
ولو تعذبني غلا ودّك صعد
لك خضوع السمع بإحساسي صغيت
في التزام الحب ووثاق العهد
أختلي في خلوة الخالي وريت
ريت من فذّ الجّمال المنفرد
من عيونٍ هدّدتني ما احتميت
والرّموش اللّى بهن قاطع قلد
يا شفاة الروح منّك ما شفيت
خافقي من حرّة امّا به جلد
نابض الذكرى خطر لي واعتليت
نايفٍ من جاذي النّاسم برد
في خمول الظن بالرّجوا ظنيت
أحسبك تقرب وعني تبتعد
في مراسيل المثايل لك شكيت
يا نديمي وانت للنجوى مردّ
من قوات ألحاظ عينك ما قويت
يا رهيب ارهبتني وانته الامد