زايد

كانْ ياما كانْ يا شيخْ الزِّمانْ
كانْ لي ما حَّدْ علىَ وَصْفَهْ يكونْ
حاكمْ الدِّنيا ومنْ في إيدهْ العِنانْ
بالشَّرَفْ والعِزْ ترجَحْ بِهْ وزونْ
وكانْ لي زايدْ ظلالي والجِنانْ
في عيوني ولهْ أنَا سَمْعْ وعِيونْ
وزايدْ الحِكْمهْ ومَجدي والأمانْ
وزايدْ العَليا ومنْ فوقْ الظِّنونْ
ضَامنِّني وبِهْ أنا عندي ضمانْ
وكلْ شَيٍّ في رضىَ زايدْ يِهونْ
يرسمْ المِنْهَجْ بحكمهْ وإتِّزانْ
ونقتدي بهْ ونِتْبَعهْ وخَلفهْ نِكونْ
وساعِدِهْ مكتومْ حَزَّهْ الإمتِحانْ
نعمْ منْ يدفَعْ وينفَعْ ما يِخونْ
ومنْ مَعَهْ مكتومْ يَبْشرْ بالضِّمانْ
زايدْ ومكتومْ عِزي والحِصونْ
ولوُ دِخَلْ في المَسْألهْ إنسي وجانْ
الثِّنينْ اللِّي بلا دَعوهْ يِجونْ
بوحِيايٍ كَنِّهْ بروشْ الدِّهانْ
والعيونْ صغارْ ياذيكْ العِيونْ
كانْ لهْ ماضي وفي وجهِهْ يبانْ
وإنْ بغيتْ أصْلهْ وفَضْلهْ قلْ خرونْ
يتْبَعَهْ الأرني وفيهْ الوَقتْ شانْ
الأيَمْ وتابعِنِّه بوقرونْ
لا إتِّسَمَّعهمْ وماضيهمْ عِيانْ
وهمْ على ماهمْ وما يتْغَيِّرونْ
يا زعيم الناسْ فيكْ الوصفْ زانْ
طيبكْ اللِّي لوَّنْ المعنىَ بلونْ
والعفو يا سيدي إن قلتْ كانْ
بسْ أنا بلَيَّا رضاكمْ ما أكونْ