طايرْ الشَّرقْ وينكْ هاتْ عطنا العلومْ
عَنْ زعيمْ المراجلْ والحمولْ الثِّقالْ
نعمْ وحدِهْ ما تكفي يومْ زايدْ يقومْ
معهْ تنهضْ قلوبْ المخلصينْ الرِّجالْ
سَيِّدْ الوَقتْ عندهْ للمعالي عِزومْ
فاتحْ الشَّرقْ بالحكمهْ بلَيَّا نصالْ
سارْ للصِّينْ ظافِرْ للسِّياسِهْ يشومْ
مرحبا الشيخْ زايدْ يا شريفْ الخِصالْ
وزارْ كِلْ العواصِمْ والموَدِّهْ تدومْ
كلْ سَعيِهْ لأجِلنا ما يخَلِّي مجالْ
وزايدْ إيرومْ يوصَلْ لو يريدْ النِّجومْ
لو يريدْ الثِّرَيَّا للثِّريَّا يطالْ
همِّتِهْ مثلِ قَلبَهْ وينْ عزَّمْ يرومْ
ما يعَرفْ الخنوعْ ولا يعَرفْ المِحالْ
ما تردِّه الليالي ولا يجيهْ الوجومْ
لهْ جلالِهْ وهيبِهْ صادقٍ في الفِعالْ
كنتْ دايمْ بوفدهْ يومْ منْ بعدِ يومْ
آتشَرَّفْ بقربَهْ هو أبو وهوهْ خالْ
منهْ خذتْ المعاني وطَيَّباتْ العلومْ
ومنْ يجَدِّيهْ زايدْ يصبحْ بخيرْ حالْ