بسم زايد غالبين احسودهم..إهداء إلى بوخالد وإخوانه

شاقني عقب الدّيار أهل الدّيار
مع شيوخٍ حافظين اعهودهم
أخوتي وولاد خالي بافتخار
وبسم زايد غالبين احسودهم
ليلنا كنّه من الفرحه نهار
والصّحارى أعشبت من جودهم
في قنص وايّام من أنسٍ اقْصار
والحبَر لي شارده ما تجودهم
كلّما خربٍ عقب ما نار طار
ألحقوه بلي يعشّي وْفودهم
يا محمّد قلت قولّي باختصار
إنّك إنته عزّهم وسعودهم
الحرار اللي خيارٍ من خيار
أخوتك يعلك امديم تْقودهم
هم جنودك لي عليهم الاعتبار
والعرب يا بوجسيم جْنودهم