طاقة الإيجاب

طِبْعْ هذا الكونْ ما يحبْ السِّكونْ
لا ولا ينظرْ لمنْ خَلىَّ وراهْ
دومْ سيرهْ جِدْمْ منْ ماضي القرونْ
طاقةْ الإيجابْ لِهْ مِصْدَرْ حياهْ
والفَلَكْ دايرْ نشوفَهْ بالعيونْ
ما يِبا تدليلْ في كِلْ إتِّجاهْ
بالعَمَلْ نحيا وبالطَّاقَهْ نكونْ
قادرينْ إنغيِّرْ اللِّي ما نباهْ
والأملْ يبغي عَمَلْ بهْ تَدركونْ
كِل صِعْبْ ورَبَّهْ منْ حبِّهْ سِقَاهْ
طاقَةْ الإيجابْ يا اللِّي تفكِّرونْ
كامِنِهْ فينا وتبغي الإنتباهْ
ومنْ بِدا كَسلانْ عايشْ ف الظِّنونْ
دومْ سَلبْي ذاكْ لي خايبْ رجاهْ
إتركَهْ وانساهْ لا تسألهْ عونْ
ما نِفَعْ عمرهْ فهَلْ يِنْفَعْ سواهْ؟
داخِلكْ ماردْ هوْ العزمْ وتكونْ
بهْ قِويْ العَزمْ صوتكْ لهْ صداهْ
وديننا قالْ إعملوا لي تعملونْ
والجِزىَ منْ رّبِّنا بعالي سِماَهْ
طاقَةْ الإيجابْ يا اللِّي تفهمونْ
مثلْ زايدْ في عطاهْ وفي سخاهْ
دومْ ينصحنا فلا تتردٍّدونْ
لي بيتردِّدْ بينزلْ مستواهْ