ناموسْ عجايبْ

العجايبْ لي تسوِّيها عجايبْ
يابَتْ النَّاموسْ والسِّيفْ العجيبْ
أشهَدْ أنِّ الهزرِ فيها غيرْ خايبْ
حسبْ ظنِّي وذاكْ منها مبْ غريبْ
نومسَتْ حمدانْ لحَّاقَةْ طلايبْ
تسبقْ السبق ولا له من طليب
منْ فعايلها يصيرْ الطِّفلِ شايبْ
ومنْ ينافسها ترىَ حالِهْ صعيبْ
ومنْ تحدَّاها ترىَ بيردْ تايِبْ
تقطَعْ بقوَّهْ قلَدْهِنْ والنِّصيبْ
سيرها في وصفها سيرْ الهبايبْ
وكلْ مبعِدْ عندها تشوفَهْ قريبْ
فتكها فيهنْ شرىَ فتكْ الكتايبْ
لأجلْ هذا إستاهلَتْ مدحٍ وطيبْ