التِّهاني لإبننا نَجلْ المَليكْ
والملوكْ تقدِّرْ عْيالْ الملوكْ
فوزكْ الباهرْ ترىَ مالهْ شِريكْ
وإنتهْ السايرْ علىَ سيرَةْ أبوكْ
جيتْ يا ناصرْ مثِلْ ما آنا أبيكْ
فارسٍ لهْ بكلْ ميدانٍ سلوكْ
أسألْ اللهْ للمعالي يصطفيكْ
منهْ إنْ تطلبْ مطاليبٍ يجوك
البطولهْ لكْ ومكسبها عليكْ
نلتها بأهلٍ لمكسبها غذوكْ
ولأبوسلمانْ دايمْ نحتريكْ
بَشْ وجههْ لي منْ أخلاقَهْ ضحوكْ
عشتْ ياناصرْ بنصرٍ يحتويكْ
وإنتهْ عندي مثِلْ حمدانٍ أخوكْ