هلا مرحبا

هلا مرحبا واهلا تراحيب مثنايه
اعداد ما تلفح من النود سرّايه
تراحيب من خافي الخوافي وخاطري
تراحيب لك يا زايد الخير مهدايه
هلا بالزعيم وحي من زار حيّنا
هلا بالضيوف وكل هجنٍ امعنّايه
توافد من اقطار الجزيره لدارنا
بدعوة فرح منّا على الحفل مدعايه
تشارك معانا مهرجان الاصايل
خيار الذلايل والخيول المنقّايه
نحنا بانتظار اليوم نرقب وصولكم
بدارك لها هيبه وبالمجد مسمايه
أقول المثايل بالمعاني الجميله
أكاليل وردٍ م البساتين منقايه
تزفها الافراح والشوق يعتلي
على صرح فرحٍ واكتمل بي على الغايه
يعيش من قاد المسيره وقادنا
زعيمٍ يشور وبالعدل نقتدي رايه
عسى كل حولٍ نلتقي بالمحبه
ونجدد ارسومٍ سابق الوقت مبنايه
واختامها ازكى صلاةٍ على النبي
اللي نزل بالحق وكتاب لهدايه