ياعريبْ البيتْ منْ عمٍّ وخالْ
التهاني لكْ علىَ الفوزْ الكبيرْ
طابْ فالكْ لكْ منْ الناموسْ فالْ
ياتميمْ ولِكْ تهانينا تسيرْ
بالحصان اللي لكاسْ دبي طالْ
ولِكْ معْ الطولاتْ تاريخٍ شهيرْ
فوزْ ( هوتْ شو) فوزْ بهْ طابْ إحتفال
هو بكاسْ دبي بعزومَهْ جديرْ
ونحنْ وإنتوا أهلْ ماتبغي جدالْ
وشعبنا واحدْ ويربطنا المصيرْ
منْ أبوخالدْ ومني بكلْ حالْ
تهنيهْ ممزوجهْ بفلْ وعبيرْ