الفوز والنّاموس لك والسياده
وكل الفوارس أنت وحدك بَطَلها
يا بو سعيد أنت الشرف والرّياده
وِبْلادنا شوفك رَجَاها واملها
في (آسكوت) سكت من كان عنده زياده
وامّا البطوله لى نعدّه حَمَلها
ودبي (ملينيوم) لي له السّبق عاده
ما هي أوّل مرّةٍ هو فعلها
يوم اجْمعوهن لي عليهن وكاده
الرّائعات السابقه في مهلها
ماخِذْ على المضمار أكبر شهاده
في دبي يوم العالميّه وصلها
ومن نافسه قابض يده ع فؤاده
لا تيه نوبه يوم خيله قتلها
حقّق لمكتوم بْجداره مراده
وآمالنا عند اللزز ما خذلها
وابشِرْ وفي امريكا تنال السعاده
والخيل من خيلك تزايد وَجَلها